年近歲晚，又係時候大掃除，不想花錢請人幫你執屋，自己落手落腳一樣得。做了家務助理13年，洗衫、煮飯、清潔、湊仔、維修，自稱無所不能的娜姐醒大家幾招獨門秘方。
 
「以煲蕃茄薯仔湯為例，蕃茄同薯仔要事先去皮，不過有人唔識去皮，死刨爛刨。其實去皮好簡單，煲一鍋滾水，然後在蕃茄頂部界個十字，薯仔就原隻放落去用滾水一齊煮5分鐘，再放入凍水，啲皮就好易撕開。」
娜姐提醒，未煮過的薯仔皮都大有用途，可以有效去掉不銹鋼上的污漬，用兩至三片薯仔皮輕擦水龍頭，再用乾布抹乾，污漬通通去除，亮麗如新，方便又實用。