在家千日好，不過也有很多煩瑣家務要處理，執屋、洗碗、洗衫、換床單，呢幾個字聽到睇到都覺得攰。除了跪求偉大萬能的母親幫手，近年上門服務都玩智能化，例如家務助理、洗衫都有APP幫手。模特兒黃家慰（CANDY）工作時間不定，加上纖纖弱質最怕換床單、抹窗等體力勞動，有諗過搵鐘點執屋，但典型90後乜都唔識，搵佢試用懶人上門APP就最啱。今次測試喺三個鐘之內，試齊家務助理和洗衫APP，睇嚇APP同傳統上門服務會唔會有咩大分別。